حوار تخيلى....اجتماع مجلس الوزراء بخصوص العلاوات والزيادات الاخيره فى مرتبات الموظفيين

حوار تخيلى....اجتماع مجلس الوزراء بخصوص العلاوات الاخيره 

اجتماع مجلس الوزراء بخصوص العلاوات الدوريه و الخاصه التى أقرها رئيس الجمهوريه للعاملين بالدولة .

رئيس المجلس .عايزين نعمل لائحة تنفيذيه بخصوص قانون العلاوات الدوريه و الخاصه 

وزير الماليه. ... لازم نراعى بند الاجور و المرتبات فى الموازنه الجديده .. احنا مافيش موارد تغطى قيمة الذياده فى هذا البند 

رئيس المجلس ... لا تقلق .الوزارات الخدمية هاترفع أسعارها طبقا للإصلاح الاقتصادى 

وزير البترول .. احنا قطاع استثماري يا ريس وطبعا الذياده بتاعت العمال دى من عندنا مش من الماليه 

وزير الماليه. . بس لازم تراعى قيمة اللى انت هاتسدده لينا .

وزير البترول. ..طبعا طبعا عامل حسابى يا باشا 

وزير الاتصالات .. طبعا احنا زى البترول 

وزير الكهربا .. واحنا كمان 

رئيس المجلس . ماشى يبقى كده الذياده على كل القطاعات .

وزير قطاع الأعمال. .. يا ريس احنا القطاع عندنا قطاع مالى و انتاجى و العمال ليهم حوافز شهريه و أرباح سنويه .ده غير ان كل شركه لها لائحة داخليه تقدر تعمل كثير للعمال ودخلهم هناك رائع جدا 

رئيس المجلس. .. تقصد ايه يا وزير قطاع الأعمال 

الوزير .... انا بقول كفايه العلاوه الدوريه الخاصه بالقطاع ...أصل الشركات عندنا لا تحتمل ذياده فى بند الاجور و المرتبات .

وزير التنميه المحليه ... شوف يا معالى الوزير 

انا عارف كويس جدا بحكم شغلى دخل عمال القطاع عندك ..

بس انت بتتكلم عن دخل الشركات القابضه وده مش مقياس عندنا ..المقياس عندنا دخل العمال وليس موظفى الشركات القابضه اللى بتكوش على دخل الشركات الانتاجيه .

رئيس المجلس. ..يا وزير التنميه كل وزير أدرى بحال وزارته 

وزير الماليه. ...صح يا ريس 

أصل قطاع الأعمال بيقدم لينا صافى أرباح ضعيف جدا والرئيس مهتم جدا بالقطاع ده يبقى لازم وزارة قطاع الأعمال تقدم لينا دخل يعبر أنها بتكسب 

رئيس المجلس. . مالكش دعوه بالريس. .خلينا فى كلامنا هنا 

وزير قطاع الأعمال. ... بلاش نعطى القطاع عندى العلاوه الخاصه .. وكفايه عليهم الدوريه 

وزير الماليه ...كده الكلام الصح برافو عليك و الدوريه عندكم تبقى 7% صح كده 

وزير قطاع الأعمال. .. بالظبط بس انا بفصل لائحة تنفيذيه ابعتها للشركات القابضه علشان العمال ما تثور علينا 

رئيس المجلس. .. هاتعمل ايه يعنى 

وزير قطاع الأعمال. ... هاقدم ليهم 3% ذياده فوق ال 7 

وزير الماليه. .. ليه كده بس ... ده معناه أنك هاترفع كثير فى بند الاجور و المرتبات 

وزير التنميه المحليه. .... بلاش بقى اى ذيادات للعاملين فى القابضه دخلهم عالى فعلا ...وهم ليس شركات انتاجيه. ..الذياده تبقى عند الشركات و المصانع التابعه فقط 

وزير قطاع الأعمال. ..

أنت بتقول ايه ؟؟ده كلام مش مظبوط .الشركات القابضه دى هى الأساس اللى أقدر اسيطر بيه على الشركات الانتاجيه .

وزراء البترول و الكهرباء و الإستثمار. ..احنا مالناش دعوه بالكلام ده .... 

رئيس المجلس. . ماحدش جاب سيرتكم خالص 

رئيس المجلس. .. خلاص يبقى قطاع الأعم العام مالوش فى العلاوه الخاصه زى ما قال وزيرهم 

باقى الوزراء ساكتين ليه 

الداخليه ... عادى 

العدل .... عادى 

التربيه و التعليم ...عادى 

باقى الوزراء .. عادى 

رئيس المجلس. .. خلاص بقى يا وزير الماليه مشكلة تمويل العلاوات حلها عند ذيادات المرافق و الخدمات 

ومشكلة قطاع الأعمال حلها لك وزيرهم 

....

تعمل اللائحة بقى 

سجل عندك يا ابنى فى محضر الاجتماع .يا وزير الماليه .....نعم يا ريس .

اصرف مكافأة الاجتماع ده بسرعه احسن الغلاء مش مخلى الواحد فينا عارف يعيش 

حاضر يا ريس ...ياريت الشعب يعرف و يقدر احنا بنتعب علشانهم قد ايه 

.............

أخوكم ... هشام سلفر من اجتماع مجلس الوزراء بخصوص العلاوات الاخيره 

.....

لقاؤنا القادم مع اجتماع لجنه القوى العامله فى البرلمان بحضور ممثل الحكومه و نقيب العمال وترى كيف سيكون الحوار داخل البرلمان حول قانون العلاوات الدوريه و الخاصه الأخير